A TI, DOUCHE A BENVIDA

Benvid@s e grazas por estar aí.

Fai tempo que veño pensando no como, de que maneira poder compartir con vós distintas ideas ou actividades que me xorden. Todas elas vinculadas ao mundo que máis me chama á atención: o do ensino. É por iso polo que se decide abrir esta bitácora e presentarvos distintas Partes do Todo que vou facendo.

Quen son? Son Jesús Somoza, mestre de Educación Primaria nun colexio público de Vigo. Por distintas circunstancias, durante este curso tamén son mestre de Educación Física. Os estudos de música de nivel profesional estiveron ligados a min durante dez anos. A fotografía e o audiovisual están presentes en min.

Confío nunha ensinanza onde a reflexión, a capacidade crítica e o tratamento dunha educación en valores con rigor, poden ser posibles. Igualdade, empatía e liberdade. Descubrir e guiar.

Acompañádesme nesta aventura? Conto contigo.

Comentarios

Entradas populares de este blog

A preparación da clase é do máis importante

✈️ Os primeiros voos xa chegaron ao #OAM. Semana de intensidade, de noticias e novidades; de organización e de situarse; de observar a nitidez ao lonxe. Habemos de recoñecer que sempre intentamos poñer a clase ao noso gusto, e é por iso polo que nos dá traballo; en ocasións, sempre reflexionamos acerca do dito de "Deixa a clase tal e como che gustaría atopala". Comezamos a voar!

Descubrimos lugares e espazos protexidos de Galicia

Aproveitando que o pasado 22 de abril foi o Día da Terra e coa intención de traballarmos con contidos de distintas áreas, puxémonos mans á obra e desfrutamos coa aprendizaxe de diversos lugares protexidos de Galicia. O traballo en grupo, así como o desenvolvemento da Competencia Dixital estiveron moi presentes. Aquí volo deixamos. Esperamos que vos guste.

Así conmemoramos o 2 de abril, Día Internacional do Autismo

Aproveitando que este dous de abril se celebra o Día Internacional de concienciación sobre o Autismo, as nenas e nenos do Bosque do Coñecemento (sexto de Educación Primaria), realizaron diversas presentacións en Canva para coñeceren moito acerca do mesmo... Canto descubriron e canto aprenderon! Na seguinte presentación, clicando en cada un dos círculos , verás todos os seus traballos. Ademais, estamos coa campaña de "Ilumina de azul", que proximamente vos contaremos.

Aula Invertida de Jesús

Buscar este blog