💛 #ONovoLogo. Chega o noso novo #logo á nosa aula; constituirá a nosa imaxe de referencia ao longo do, xa, presente curso académico.
A continuación, dámosvos todos os detalles do seu significado:
- O #pentagrama está composto por liñas de cor. Cada cor representa unha emoción (🧡: sorpresa, 🩷: amor, 💛: ledicia, 💜: medo, 💙: tristeza). Son os cinco grandes grupos das emocións, deixando atrás o asco (🟢) e a ira (🔴). Á fin de todo, a música coas emocións están máis que vinculadas.
- O #avión está relacionado co nome da nosa aula. Amáis, significa a universalidade da música e que, esta, non ten fronteiras; verémolo na aula. Por certo, o ✈️ está asentado na nota #si amarela, a do optimismo e ledicia.
- As #aspas ao lado dunha das rodas do avión, significan movemento e representan a ansia por realizar novos proxectos. O non parar está presente.
- A #corchea representa a brevidade e fugacidade do tempo, pois cada aula só terá unha sesión semanal de música e, cando nos deamos conta, o curso #voou.
- A #pincelada amarela de fondo representa a #arte, pois a música é considerada así… Por que a cor amarela? Por todo o positivo que transmite (representa a ledicia) e porque é a nosa cor favorita.
Agardamos #cohesionar toda esta teoría na nosa aula e convertela, así, nun espazo #feliz. Despegamos!
Comentarios
Publicar un comentario