Resulta que as actividades que parecen xurdir da nada, son as que finalmente rematan sendo das máis importantes e significativas. Esta xorde dun día de Plástica que, como docentes, nos atopabamos bloqueados no que facer.
En que consistiu? Repartimos a cada alumno/a tres anacos de cartolina amarela, sen ningunha forma e totalmente aleatorios. Eses tres anacos tiñan que formar parte dunha composición ou debuxo, é dicir, deberían atribuirlles un sentido dentro do seu debuxo. Unha vez o fixeran, tentarían pensar nunha historia asociada á súa creación.
Do anterior é de onde xorden os Microrrelatos do SúperPacífico, que podes ver na publicación seguinte a esta. Deixámosvos por aquí algunha das creacións.
Comentarios
Publicar un comentario