Cartas van e cartas veñen. Todo isto acontece na Vía da Sabedoría

Hai un xabarín que, por medio dun carteiro, nos trae cartas dun lugar chamado Parga, pertencente ao concello de Guitiriz. Neste lugar, no CEIP Santo Estevo de Parga, hai unha clase que nos escribe e nos envía cartas que nos fan moita ilusión.

Trátase da clase de terceiro e cuarto de Educación Primaria, que intercambia cartas coa nosa Vía da Sabedoría. Todo isto sérvenos para levar do mellor xeito a fin de curso e para repasarmos moitos contidos de Lingua Galega, Castelá, Ciencias, Valores...

Velaí o primeiro vídeo, onde a Vía da Sabedoría descubre a Correspondencia:

Puxémonos mans á obra e pronto puidemos dicir o de "Cartas enviadas":

O asunto continúa e a Vía da Sabedoría, en menos dunha semana, volveu recibir novas cartas dos nenos e nenas de Parga. Desta vez, algunhas xa viñan con algún pequeno detalle. A actividade continúa.

Neste momento, podemos dar por contestadas ás cartas que nos escribiron as nenas e nenos de Parga; alá van. A ver se nos dá tempo e nos contestan antes de que remate o curso. Imos!